ye raaz hai merii zindagii kaa
ye raaz hai merii zindagii kaa
pahane huye huu.N kafan Khudii kaa
phir nashtar-e-Gam se chhe.Date hai.n
ik tarz hai ye bhii dil dahii kaa
o lafz-o-bayaa.N me.n chhupane vaale
ab qasd hai aur Khaamoshii kaa
maranaa to hai ibtadaa kii ik baat
jiinaa hai kamaal mu.ntahii kaa
haa.N siinaa gulo.n kii tarah kar chaak
de mar ke sabuut zi.ndagii kaa
Bookmark to:
Tell a Friend
Leave a reply
You must be logged in to post a comment.