paas-e-adab me.n josh-e-tamannaa liye hue
paas-e-adab me.n josh-e-tamannaa liye hue
mai.n bhii huu.N ek hubaab me.n dariyaa liye hue
rag-rag me.n aur kuchh na rahaa juz Khayaal-e-dost
us shoKh ko huu.N aaj saraapaa liye hue
saramaayaa-e-hayaat hai hirmaane-e-aashiqii
hai saath ek suurat-e-zebaa liye hue
josh-e-junuu.N me.n chhuuT gayaa aastaan-e-yaar
rote hai.n muu.Nh me.n daaman-e-saharaa liye hue
‘Asghar’ hujuum-e-dard-e-Gariibii me.n usakii yaad
aaii hai ik tilismii tamannaa liye hue
Bookmark to:
Tell a Friend
Leave a reply
You must be logged in to post a comment.